Les mots surlignés font l'objet d'une note
1Monseigneur, bien que par mon cousin de La Coste vous
2avez peu entendre bien au long de lestat de ma santé, si esse
3que, pour ne perdre aucune commodité sans vous escrire,
4je nay bien voulu faillir à ceste-ci, qui est un homme que ma-
5dame la contesse de Grignan a mandé en ceste ville pour
6quelques affaires quelle avoit avec un marchant. Il passe
7par Grenoble, d’où nos lettres vous pourront estre ren-
8dues. Pour vous compter de ma santé, je vous diray que
9je me sens touts les iours renforcer et treuve fort bon
10goust aus viandes et au vin, ayant bon appetit et, le ventre
11bon, je dors fort bien la nuit. Nous sommes resolus de partir
12mardi matin et aller à St Prie où nous demeurerons jusques
13au jeudi que nous viendrons diner en ceste ville et le
14lendemain matin, nous poursuivrons notre chemin. Cest tout
15ce que, pour ceste heure, je vous puis dire, vous ayant
16très humblement baisé les mains, je suppliray le Createur
17quil vous préserve
18Monseigneur, en parfaicte santé, longue et heureu-
19se vie. De Lion, ce XVII d’aoust 1572
20Vostre très humble filz et très obéissant servi-
21teur pour jamais
22De Simmienne Alleman